საქართველოს ბანკის მხარდაჭერით, მისმა მრავალწლიანმა პარტნიორმა კომპანია, გრადა დეველოპმენტმა მულტიფუნქციური კომპლექსის I ბლოკის მშენებლობა დაასრულა. კომპანიასამშენებლო პროექტ, გრადა პარკს დიდი დიღმის ცენტრალური პარკის მიმდებარეტერიტორიზე ახორციელებს.

პროექტის ჯამური ღირებულება 25 მილიონი დოლარია, ბანკის ინვესტიცია 20.1 მილიონ დოლარს შეადგენს.

გრადა პარკის ახალი პროექტი 13,000 კვ.მ ფართობზე შენდება. ის ოთხი 13 სართულიანი საცხოვრებელი კორპუსის მშენებლობას გულისხმობს და ჯამში 582 ბინას აერთიანებს. პროექტი კომერციულ ფართების, რეკრეაციულ ზონის, კალათბურთის და ფეხბურთის მოედნების, ველობილიკების, სასეირნო და სარბენი სივრცეების, ელექტრო მანქანების დამტენი ზონის, მიწისქვეშა ავტოსადგომისა და სხვა სივრცეების მოწყობას ითვალისწინებს.

“გრადა დეველოპმენტი უკვე 9 წელია მცხოვრებლებს თბილისის ყველაზე განვითარებად უბანში, დიღომში უსაფრთხო, კომფორტულ და სრულად ინფრასტრუქტურულად მოწყობილ გარემოს სთავაზობს. გრადა პარკის კომპლექსის I ბლოკის მშენებლობა უკვე დასრულებულია და ბინებში მოსახლეობა შესახლებული. ა II, III და IV ბლოკები კი, ეტაპობრივად, 2026 წლის დეკემბრამდე დასრულდება. კომპანიის მიერ დასრულებულ საცხოვრებელ პროექტებში დღეს 1,000-მდე ოჯახი ცხოვრობს. კომპანია სამომავლოდ, საქმიანობის კიდევ უფრო გაფართოებას გეგმავს. ამ ეტაპზე აქტიურად ვმუშაობთ სამ ახალ საცხოვრებელ პროექტზე, ალექსანდრე ყაზბეგის, მარშალ გელოვანისა და აკაკი წერეთლის გამზირებზე. თითოეული პროექტი გამორჩეულია მაღალი სამშენებლო სტანდარტებით, თანამედროვე არქიტექტურითა და მობინადრეთა საჭიროებებზე მორგებული გადაწყვეტებით. საქართველოს ბანკი დაარსების დღიდან ჩვენი საიმედო პარტნიორია, ყველა პროექტს ერთობლივად ვახორციელებთ. ვიმედოვნებთ, რომ ეს თანამშრომლობა უფრო გაღრმავდება და მომავალში კიდევ არაერთ პროექტზე ვიმუშავებთ ერთობლივად“, — განაცხადა ნათია ლაბაძემ, გრადა დეველოპმენტის აღმასრულებელმა დირექტორმა.