"სრულ მხარდაჭერასა და თანადგომას ვუცხადებთ ქართულ საზოგადოებრივ ორგანიზაციებს, რომელთა წინააღმდეგაც ივანიშვილის რეჟიმმა რუსული კანონები აამოქმედა და რეპრესიების ახალი ტალღა დაიწყო" — ასე ეხმაურება კოალიცია ცვლილებისთვის გუნდი დღეს არასამთავრობო ორგანიზაციების მიერ გამართულ ბრიფინგს, სადაც ითქვა, რომ 17 ივნისს ანტიკორუფციულმა ბიურომ "უცხოური აგენტების რეგისტრაციის აქტი" აამოქმედა.

კოალიციის მიერ გავრცელებულ განცხადებაში აღნიშნულია, რომ "რეჟიმის ეს ნაბიჯი არის მორიგი თავდასხმა საქართველოს მოქალაქეებსა და ქართულ სახელმწიფოზე"

"რეალურად რეჟიმის ეს ნაბიჯი არის მორიგი თავდასხმა საქართველოს მოქალაქეებსა და ქართულ სახელმწიფოზე, რადგან სწორედ მათ გაძლიერებას - ადამიანის უფლებების დაცვას, ეკონომიკურ გაძლიერებას, ისტორიული მემკვიდრეობის შენარჩუნებას, წლებია ესმახურებიან ქართული სამოქალაქო ორგანიზაციები.

დასაფასებელია ის გადაწყვეტილება, რაც არასამთავრობო სექტორმა მიიღო. სწორედ თანმიმდევრულობით, შეურიგებლობით, პრინციპულობით და ართანამშრომლობით შევძლებთ რეჟიმის დამარცხებას" — ნათქვამია განცხადებაში.

შეგახსენებთ, დღეს, არასამთავრობო ორგანიზაციებმა ბრიფინგი გამართეს. სადაც განაცხადეს, რომ 17 ივნისს ანტიკორუფციულმა ბიურომ რუსული კანონების აღსრულება დაიწყო და სამართლებრივი საფუძვლის გარეშე მათი დაცვის ქვეშ მყოფი მოქალაქეების პერსონალური ინფორმაციის გადაცემა მოსთხოვეს.

"უცხოური აგენტების რეგისტრაციის აქტის შესახებ" კანონით გათვალისწინებული ვალდებულების შეუსრულებლობისთვის ან არაჯეროვნად შესრულებისთვის სისხლის სამართლებრივი პასუხისმგებლობა დაწესდება. ქართული ოცნების მიერ პარლამენტში ინიციირებულ კანონპროექტს სისხლის სამართლის კოდექსში ცვლილები ახლავს თან, რომლის მიხედვით, "უცხოური აგენტების რეგისტრაციის აქტის" დარღვევა დაისჯება ჯარიმით 5-დან 10 000 დოლარამდე ან 5 წლამდე თავისუფლების აღკვეთით.

ასევე იხილეთ: