იერუსალიმში ამერიკის შეერთებული შტატების საელჩო, ისრაელ-ირანის კონფლიქტის გამწვავების გამო, დღეიდან პარასკევის ჩათვლით დაიხურება. ინფორმაციას CNN საელჩოს განცხადებაზე დაყრდნობით ავრცელებს.

"არსებული უსაფრთხოების ვითარებისა და ისრაელსა და ირანს შორის მიმდინარე კონფლიქტის შედეგად, აშშ-ის საელჩომ აშშ-ის მთავრობის ყველა თანამშრომელს და მათი ოჯახის წევრებს მითითება მისცა, რომ შემდგომ შეტყობინებამდე საკუთარ საცხოვრებელ სახლებში და მათ მახლობლად მდებარე თავშესაფრის ადგილებში დარჩნენ", - წერია საელჩოს განცხადებაში.

მედიის ცნობით, განცხადებაში აღნიშნულია, რომ იერუსალიმში მდებარე საელჩოსთან ერთად, პარასკევამდე თელ-ავივის საკონსულო სამსახურებიც დაიხურება.