ლეიბორისტული პარსტიის ლიდერმა შალვა ნათელაშვილმა, ცესკოს მეორე ტურიდან კანდიდატურის მოხსნაზე მიმართა. ამის შესახებ მან ჟურნალისტებთან განაცხადა.

"მე ვხსნი ჩემს კანდიდატურას ე.წ. მეორე ტურიდან. მე მინდა უდიდესი მადლობა გადავუხადო ჩემ ნაძალადეველებს, იცოდეთ, რომ ნამდვილი არჩევნები წინ გველოდება, სადაც თქვენს ნებას ვერავინ გააყალბებს. მანამდეც და მის შემდეგაც მე თქვენი ოჯახის წევრი ვარ, თქვენი დეპუტატი ვარ და ნებისმიერ საკითხზე თქვენ გვერდით ვარ, მაგრამ ახლა ყველაფერი უნდა ვქნათ, რომ ბოროტმოქმედების მოერე ტური არ შედგეს და ხალხი არ მივიდეს არჩევნებზე. ოცნების მომხრეებს მივმართავ დარჩით სახლში არჩევნების დღეს და ნუ გაივლით ბერბიჭაშვილების გზას, თქვენი უბანზე მისვლა იქნება ილიას შუბლში ტყვიის სროლა", — თქვა შალვა ნათელაშვილმა.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს. მიუხედავად ამისა, ბიულეტენში მათი სახელები და გვარები მაინც იქნება, თუმცა წინასაარჩევნო კამპანია აღარ ჩაუტარებიათ. ხელახალი არჩევნების მოთხოვნით, ოპოზიციის წარმომადგენლები საპროტესტო აქციებს მართავენ.