ერთიანი ნაციონალური მოძრაობის ერთ-ერთი ლიდერის, თინა ბოკუჩავას განცხადებით, ნიკა მელია მელია ერთ-ერთი ყველაზე შეუპოვარი ოპოზიციური ლიდერია, ის ქართველი ხალხის არ შეგუებას განასახიერებს 31 ოქტომბრის არჩევნების გამოცხადებულ შედეგებთან დაკავშირებით და მის შტაბზე თავდასხმის მიზეზი სწორედ ესაა.

"თქვენ გახსოვთ, წინასაარჩევნოდ ქვები დაუშინეს ნიკა მელიას, როდესაც წინასაარჩევნო შეხვედრას ატარებდა, შემდეგ არჩევნების დღეს იარაღით ემუქრებოდნენ ადამიანებს და ახლა პოსტსაარჩევნოდაც ვხედავთ, რომ გრძელდება იმიტომ, რომ ნიკა მელია არის ერთ-ერთი ყველაზე შეუპოვარი ოპოზიციური ლიდერი და ის განასახიერებს, მათ შორის, ქართველი ხალხის არშეგუებას იმ უსამართლობასთან, რაც მოხდა 31 ოქტომბრის არჩევნებზე. ამიტომ, ძალადობს ივანიშვილი თავის რაღაც სუს-ის და "ტიტუშკების" გამოყენებით, რაზეც დარწმუნებული ვარ, რომ კიდევ უფრო მკვახე რეაგირებას მიიღებს ქართველი ხალხისგან, ისევე, როგორც ჩვენი საერთაშორისო პარტნიორების მხრიდან", — განაცხადა ბოკუჩავამ.

მისი თქმით, წინასაარჩევნო, საარჩევნო და პოსტსაარჩევნო ძალადობა განსაკუთრებით გამოხატული იმ ოლქებში იყო, სადაც ივანიშვილი აგებდა.

ერთიანი ნაციონალური მოძრაობის ინფორმაციით, გლდანში ნიკა მელიას შტაბზე თავდასხმა მოხდა. როგორც On.ge-ს მელიას შტაბის წევრმა განუცხადა, ოფისს ქვები და, სავარაუდოდ, ე.წ მოლოტოვის კოქტეილები ესროლეს. დამწვარია ოფისის ავეჯი.