ევროპული საქართველოს ლიდერის, დავიტ ბაქრაძის განცხადებით, ოპოზიიცის წარმომადგენლები პარლამენტში შესვლისთვის და მეორე ტურებისთვის არ ემზადებიან. ამის შესახებ მან პარლამენტის წინ აქციაზე სიტყვით გამოსვლის დროს განაცხადა.

"ყოველდღე ამბობენ [ქართული ოცნების წევრები], მეორე ტურებისთვის ემზადებიანო. არავინ ემზადება მეორე ტურებისთვის. ყოველდღე ამბობენ, პარლამენტში შემოსვლისთვის ემზადებიან. არავინ ემზადებიან პარლამენტში შესლისთვის. ხალხო, მილიარდერმა ერთი ადამიანის ყიდვა ვერ მოახერხა ოპოზიციიდან, ერთი ადამიანის გატეხვა ვერ მოახერხა ოპოზიციიდან", — განაცხადა დავით ბაქრაძემ.

13 ნოემბერს პარლამენტის თავმჯდომარემ, არჩილ თალაკვაძემ განაცხადა, რომ ოპოზიცია მეორე ტურებისთვის ემზადება და ამის შესახებ მას ინფორმაცია აქვს.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს. ხელახალი არჩევნების მოთხოვნით, ოპოზიციის წარმომადგენლები საპროტესტო აქციებს მართავენ.

მმართველ პარტიასა და ოპოზიციას შორის დიალოგის დაწყების შუამავლები ამჯერადაც ელჩები აღმოჩნდნენ. შეხვედრები აშშ-ს ელჩის, კელი დეგნანის რეზიდენციაში გაიმართა, რომელსაც ევროკავშირის ელჩი, კარლ ჰარცელიც ესწრებოდა.