საქართველოს მესამე პრეზიდენტი მიხეილ სააკაშვილი ქვეყანაში ჩამოსვლას კიდევ ერთხელ აანონსებს. ფეისბუქმიმართვის დროს მან მორიგ ჯერზე განაცხადა, რომ ქვეყანაში ბრუნდება და თავის მომხრეებს მზადყოფნისკენ მოუწოდა.

"მე მინდა ვუთხრა ყველა ჩემს მომხრეს და ეს არის საქართველოს მოსახლეობის უმეტესეობა, საზოგადოების უმეტესობა, უნდა ვიყოთ ამისთვის მზად. რაღაც მომენტში გამოცხადდება კონკრეტული ადგილი, თარიღი, აეროპორტი და უნდა იყოთ მზად, მაგრამ კიდევ ერთხელ ვამბობ, ყველა ერთად უნდა ვიბრძოდეთ. ჩამოვა და ვიღაცა გადაგვარჩენს — ეს არ იმუშავებს. ჩამოვა და ვიღაც თავს შეწირავს, იმუშავებს, კი ბატონო, და ამისთვისაც მზად ვარ, მაგრამ თუ გადარჩენა გვინდა, ყველა ერთად უნდა ვმუშაობდეთ ამისთვის", — განაცხადა პრეზიდენტმა.