თბილისში, მარშალ გელოვანის გამზირზე ქვეითად მოსიარულე ავტოავარიაში მოყვა და დაიღუპა. აღნიშნულის შესახებ On.ge-ს ინფორმაცია შინაგან საქმეთა სამინისტროში დაუდასტურეს.

უწყების ცნობით, საქმეზე გამოძიება სისხლის სამართლის კოდექსის 276-ე მუხლის მე-6 ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.