ამირან გამყრელიძის თქმით, ქვეყანაში შესაძლოა ლოკდაუნი და წერტილოვანი შეზღუდვები გაფართოვდეს. ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.

"ნაწილობრივი ლოკდაუნი და წერტილოვანი შეზღუდვები ქვეყანაში არის, რომელიც დიდი ალბათობით შეიძლება კიდევ გაფართოვდეს ეპიდსიტუაციიდან გამომდინარე. მაგრამ სრული ლოქდაუნი, ამ ეტაპზე არ განიხილება", — განაცხადა გამყრელიძემ.

12 ნოემბერს საქართველოში დაფიქსირებული კორონავირუსის 3 120 ახალი შემთხვევიდან, თბილისში გამოვლინდა 1 033 შემთხვევა, აჭარაში — 502, იმერეთი — 517.

9 ნოემბრიდან საქართველოს დიდ ქალაქებში როგორც მუნიციპალური, ასევე, კერძო საბავშვო ბაღების ფუნქციონირება შეიზღუდა. 22:00 საათიდან 05:00 საათამდე მოქალაქეებს გადაადგილება ეკრძალებათ.