NDI-ის მიერ გამოკითხულთა 68 პროცენტი არჩევნებში მონაწილეობის მიზეზად ასახელებს, რომ ეს მათი სამოქალაქო ვალია, 12 პროცენტი ამბობს, რომ არჩევნებში მონაწილეობა იმ პარტიის მხარდასაჭერად გადაწყვიტა, რომელიც მათ მოსაზრებებთან ახლოს დგას, ხოლო 10 პროცენტი აცხადებს, რომ არ სურდათ მათი ხმა გაყალბებისთის გამოეყენებინათ.

ასევე, 5 პროცენტს სურდა მთავრობის მხარდაჭერა და 3 პროცენტს მთავრობის შეცვლა.

დღეს, 18 იანვარს, ეროვნულ-დემოკრატიულმა ინსტიტუტმა (NDI) და CRRC–საქართველომ 2016 წლის ნოემბერ-დეკემბერში ჩატარებული საზოგადოებრივი აზრის კვლევის შედეგების მეორე ნაწილი წარადგინა.

კვლევის საველე სამუშაოები ჩატარდა 4 ნოემბერი - 4 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 3,141 პირისპირ ინტერვიუს წარმომადგენლობითი შერჩევის საფუძველზე.