ქართული ოცნების აღმასრულებელი მდივნის, ირაკლი კობახიძის განცხადებით, ოპოზიცია ულტიმატუმზე მკაცრ პასუხს მიიღებს ყველასგან, მათ შორის ქართული საზოგადოებისგან და საერთაშორისო პარტნიორებისგან.

"ეს არის მათი დამოკიდებულება. ყველა საერთაშორისო პარტნიორი მოუწოდებს პოლიტიკურ პარტიებს დიალოგისკენ, კონსულტაციებისკენ — მათი პასუხი არის ულტიმატუმი. ბუნებრივია, ისინი მკაცრ პასუხს მიიღებენ ასეთ ულტიმატუმებზე ყველასგან, მათ შორის ქართული საზოგადოებისგან და ასევე საერთაშორისო პარტნიორებისგან. ბუნებრივია, მათ არა აქვთ არანაირი უფლება საზოგადოებას და საერთაშორისო პარტნიორებს ელაპარაკონ ულტიმატუმის ენით. ამას მათ, ბუნებრივია, არავინ არ გაუტარებს", — განაცხადა კობახიძემ.

31 ოქტომბერს ჩატარებული საპარლამენტო არჩევნების შედეგებს ოპოზიცია არ აღიარებს. ბარიერგადალახულმა რვავე ოპოზიციურმა პარტიამ მანდატებზე უარი თქვა, ისინი რიგგარეშე არჩევნების ჩატარებას ითხოვენ.