ნაციონალური მოძრაობის ერთ-ერთი წევრის თინა ბოკუჩავას თქმით, ოპოზიცია არ აპირებს დაემორჩილოს კორონავირუსთან დაკავშირებით დაწესებულ შეზღუდვებს და აპირებენ, რომ გააგრძელონ მშვიდობიანი პროტესტი.

"ჩვენ ვაპირებთ, რომ გავაგრძლოთ მშვიდობიანი პროტესტი, ამაზე აბსოლიტური კონსესუსია ოპოზიციაში. ჩვენ არ ვაპირებთ დავემორჩილოთ ამ შეზღუდვებს, იმიტომ რომ ეს არ არის ეპიდემიოლოგიური შეზღუდვები, ეს არის პოლიტიკური შეზღუდვები, რომელიც ბიძინა ივანიშვილმა დააწესა. ხალხს მე ვერ მოვუწოდებ, რომ კანონი დაარღვიონ მაგრამ ჩვენ არ ვემორჩილებით დაწებულ შეზღუდვებს იმიტომ რომ ეს არის პოლიტიკური", — განაცხადა ბოკუჩავამ.

დღეს, 9 ნოემბერს პარლამენტის წინ ორი აქციაა დაგეგმილი. 6 საათზე ოპოზიცია მართავს აქციას, ხოლო 10 საათზე მოძრაობა სირცხვილიას აქცია "დაუმორჩილებლობა" დაიწყება.

საკოორდინაციო საბჭოს გადაწყვეტილებით, დღეიდან, 9 ნოემბრიდან დიდ ქალაქებში: თბილისში, ბათუმში, ქუთაისში, რუსთავში, ზუგდიდში, გორსა და ფოთში 22 საათიდან დილის 5 საათამდე გადაადგილება შეიზღუდება. შეზღუდვა გავრცელდება როგორც ქვეითად, ისე ტრანსპორტით და კერძო ავტომობილებით მოსიარულეებზე.