ევროპული საქართველოს ერთ-ერთი ლიდერი, გიგა ბოკერია, ირაკლი კობახიძის განცხადებას ეხმაურება იმის შესახებ, რომ შტურმის მოთავეები არიან ნიკანორ მელია და მისი "ზონდერ ჯგუფები".

ბოკერიას თქმით, კობახიძის განცხადებები არის ივანიშვილის შეურაცხმყოფელი დამოკიდებულების გამოხატულება საზოგადოების მიმართ.

"არაფერს არ გამოვრიცხავ ამ ნერვოტული რეჟიმის პირობებში, არც პროგნოზებს არ გავაკეთებ. კობახიძე, ივანიშვილის კლოუნებს შორისაც გამორჩეულია, რამოდენიმეა ერთმანეთთან კონკურენციაში სამარცხვინოობის თვალსაზრისით. მისი განცხადებები არის გამოხატულება თვითონ ივანიშვილის პერსონალური ძალიან შეურაცხმყოფელი დამოკიდებულების საზოგადოების მიმართ. ეს არის ერთ-ერთი ძირი იმ კრიზისის, რაშიც შევიდა ქვეყანა ამ არჩევნების გაყალბების შედეგად", — განაცხადა ბოკერიამ.