სომხეთის თავდაცვის სამინისტროს ცნობით, სამხედრო მოქმედებები 7 ნოემბრის ღამესაც ფრონტის ყველა ძირითად ხაზზე გაგრძელდა. უწყების პრესმდივან შუშან სტეპანიანის ინფორმაციით, ყველაზე ძლიერი ბრძოლები შუში-კარინი ტაკის მონაკვეთზე მიმდინარეობდა.

"ჩრდილო-აღმოსავლეთ და სახმრეთის მიმართულებით სომხურმა ძალებმა მოწინააღმდეგის 2 ერთეული ავტოტექნიკა გაანადგურე, რომლითაც 4 უპილოტო თვითმფრინავის ტრანსპორტირება ხდებოდა, — აცხადებს სტეპანიანი.

მთიან ყარაბაღში სამხედრო დაპირისპირება 27 სექტემბერს განახლდა. რამდენჯერმე დაიბომბა მშვიდობიანი დასახლებული პუნქტები. გაჩნდნენ ახალი იძულებით გადაადგილებული ადამიანები. სომხეთი და აზერბაიჯანი პროვოცირებაში ისევ ერთმანეთს ადანაშაულებენ, თვითაღიარებული ყარაბაღი კი მომხდარზე პასუხისმგებლობას აზერბაიჯანის პრეზიდენტს ილჰამ ალიევს აკისრებს.

რუსეთის შუამავლობით, სომხეთი და აზერბაიჯანი ჰუმანიტარული მიზნით ცეცხლის შეწყვეტაზე ორჯერ შეთანხმდნენ, თუმცა ზავი, ორივეჯერ მალევე დაირღვა. ბაქომ და ერევანმა ცეცხლის შეწყვეტაში ისევ ერთმანეთი დაადანაშაულეს.

ამავე თემაზე: