ქუთაისის საოლქო საარჩევნო კომისიასთან შეკრებილებმა გზის გადაკეტვა სცადეს, თუმცა პოლიციამ მათ ამის შესაძლებლობა არ მისცა.

ხმაური და დაპირისპირება ქუთაისის საოლქოსთან საღამოს 19:00 საათისთვის დაიწყო. ამ დროს საოლქო საარჩევნო კომისიაში სხდომა უნდა დაწყებულიყო. ოპოზიციის წარმომადგენლები ამბობენ, რომ სხდომაზე დასწრების საშუალება არ მიეცათ, რასაც პროტესტი მოჰყვა. ხმაური იყო საოლქოს შენობის შიგნითაც.

ადგილზე მობილიზებულია პოლიცია.