ევროპული საქართველოს წევრი, ლევან თარხნიშვილი, გუშინ, საოლქო კომისებთან აქტივისტების დაკავებას ეხმაურება. მისი თქმით, აქტივისტების დაკავება იყო ლოგიკუირ გაგრძლება იმ ჯაჭვის, თუ როგორ მოქმედებდა საარჩევნო კომისია არჩევნების განმავლობაში.

თარხნიშვილის ინფორმაციით, ევროპული სქართველო ითხოვს ცესკოს თავმჯდომარის, თამარ ჟვანიას თანამდებობიდან გადადგომას და რიგგარეშე არჩევნების დანიშნვას.

"ის, რაც გუშინ მოხდა და როგორც მოიქცა ცენტრალური საარჩევნო კომისია არის ლოგიკური გაგრძელება მთელი იმ ჯაჭვისა, თუ როგორ იქცეოდა საარჩევნო კომისია არჩევნების განმავლობაში.

მათ არ მოახდინეს რეაგირება არცერთ დარღვევაზე, დააკომპლექტეს მთელი იერარქია საარჩევნო კომისიის არაკომპეტენტური, არაკვალიფიციური, მაგრამ ქართული ოცნებისთვის სანდო კადრებით და ამის შედეგად მივიღეთ ის ყველაფერი, რომ 4-ჯერ გადაწერილი ოქმიც კი შეიცავს შეცდომებს.

სწორედ ამის გამო, ჩვენ მოვითხოვთ, პირველი, რომ ეს არჩევნები არ ჩაითვალოს ლეგიტიმურად, მეორე, არ ვაღიარებთ მის შედეგებს და ვითხოვთ ხელახალ არჩევნებს, რომელსაც ჩაატარებს ახალი საარჩევნო ადმინისტრაცია. ქალბატონი თამარ ჟვანია დაუყონებლივ უნდა გადადგეს ყველა იმ ქმედებისთვის, რომელიც მან ჩაიდინა არჩევნების გამოცხადების დღიდან დღემდე", — განაცხადა თარხნიშვილმა.