ლელოს ერთ-ერთმა ლიდერმა, ირაკლი კუპრაძემ ბრიფინგი გამართა,სადაც ბათუმის საარჩევნო უბნებში მონაცემებია გაყალბებაზე ისაუბრა. მისი თქმით, ქვეყანაში არჩევნები ტოტალურად გაყალბდა.

"სამწუხაროდ, მე არ შემიძლია ვისაუბრო შესწორების ოქმებზე და ჩვენი საჩივრების დაკმაყოფილებაზე, რადგან ბათუმის საოლქო კომისიას ჯერ კიდევ არ დაუწყია პარტიათა საჩივრების განხილვა. ახლაც, ბათუმის საოლქო კომისიასთან იმართება ლელოს აქცია, რომ დროულად დაიწყონ ჩვენი საჩივრების კვლევა. ეს არის პრინციპული ნაწილი. ოცნებას არ გააჩნიათ პასუხები იმ საჩივრებთან. წარმოგიდგენთ 22-ე უბანს, სადაც არჩევნებზე მივიდა 598 ამომრჩეველი და 589 ბიულეტენი არის ამოღებული; უბრალოდ გაუგებარია სად არის ეს ბიულეტენები; 26-ე საარჩევნო უბანზე დაკარგულია 40 ბიულეტენი; მე-9 საარჩევნო უბანზე მივიდა 755 მოქალაქე და ბათილად არის ცნობილი 756; მე-19 უბანიზე ჩაყრილია ბიულეტენები და 77 ცალი არის სრულიად ზედმეტი; 38-ე უბანიზე 19 ზედმეტი ხმა არის ფიქსირებული; საერთოდ ოქმში არ არის შეტანილი მონაცემები 13 უბანზე; ეს არის დაუსრულებელი კასკადი გაყალბებისა, რაზეც პასუხი უნდა აგოს "ოცნებამ".

ჩვენ არ ვაპირებთ ერთი ნაბიჯითაც უკან დახევას, რადგან მოსახლეობას წაართვეს არჩევანის უფლება, რადგან ჩვენ გაგვიყალბეს არჩევნები და არა მხოლოდ ჩვენ, როგორც პარტიას და გუნდს, არამედ სრულიად სოციუმს და უნდა დავიბრუნოთ ხმები. ივანიშვილს და თამარ ჟვანიას გავუშვებთ სახლში და ჩავატარებთ თავისუფალ არჩევნებს", — განაცხადა კუპრაძემ.