ცესკოს განმარტებით, სპეციალურ სიაში მყოფ ყველა ამომრჩეველს კანონმდებლობით არ აქვს შესაძლებლობა აირჩიოს მაჟორიტარი, თუ ის კონკრეტული მაჟორიტარული ოლქის ამომრჩეველი არ არის. მათი თქმით, სწორედ ამიტომ ვერ დაემთხვა და დაემთხვევა არჩევნებში ამომრჩეველთა რაოდენობა მაჟორიტარობის კანდიდატებისთვის მიღებულ ხმათა რაოდენობასა და ბათილი ბიულეტენების ჯამს. ცენტრალური საარჩევნო კომისიის წარმომადგენელმა აღნიშნული დისბალანსი პენიტენციურ დაწესებულებაში შექმნილი საარჩევნო უბნის ოქმის მაგალითხზე ახსნა.

"პენიტენციურ დაწესებულებაში შექმნილი საარჩევნო უბნის ოქმია ეს. სპეციალურ სიაში მყოფ ყველა ამომრჩეველს კანონმდებლობით არ აქვს შესაძლებლობა აირჩიოს მაჟორიტარი, თუ ის ამ მაჟორიტარული ოლქის ამომრჩეველი არ არის. შესაბამისად, არჩევნებში ამომრჩეველთა რაოდენობა ვერ დაემთხვევა მაჟორიტარობის კანდიდატებისთვის მიღებულ ხმათა რაოდენობასა და ბათილი ბიულეტენების ჯამს", — აცხადებენ ცესკოში.

ამ განცხადებით, ისინი ოპოზიციური პარტიებისა და არასამთავრობო ორგანიზაციების კრიტიკას გამოეხმაურნენ იმის შესახებ, რომ კონკრეტული შემაჯამებელი ოქმები გაყალბებულია, რადგან არჩევნებში მონაწილე ამომრჩეველთა საერთო რაოდენობა მაჟორიტარობის კანდიდატებისთვის მიცემულ ხმათა რაოდენობას არ ემთხვევა.

წაიკითხეთ ასევე: