საქართველოს განათლების სამინისტროს ინფორმაციით, მინისტრი მიხეილ ჩხენკელი თვითიზოლაციაში იმყოფება, რადგან მისი ოჯახის წევრს კორონავირუსი დაუდასტურდა.

"კორონავირუსი მისი ოჯახის წევრს დაუდასტურდა. მინისტრს არ აღენიშნება კოვიდ 19-სთვის დამახასიათებელი სიმპტომები და თავს კარგად გრძნობს. მიხეილ ჩხენკელი საქმიანობას დისტანციურ რეჟიმში გააგრძელებს", — აცხადებენ უწყებაში.

გუშინ, 2 ნოემბერს, ცნობილი გახდა, რომ კორონავირუსი დაუდასტურდა პრემიერმინისტრ გიორგი გახარიასაც. მთავრობის ადმინისტრაციის ინფორმაციით, ის მკურნალობას სახლში აგრძელებს.

გარდა ამისა, 2 ნოემბერს კორონავირუსი დაუდასტურდა მთავრობის ადმინისტრაციის ხელმძღვანელს, ნათია მეზვრიშვილსაც.