საქართველოს ექსპრეზიდენტ მიხეილ სააკაშვილის განცხადებით, თუ ქართული ოპოზიციური ერთობა ჩათვლის, რომ მისი ჩამოსვლა არის საჭირო, ვერანაირი წინაღობა ამ სურვილს ხელს ვერ შეუშლის.

"ჩემი უსაფრთხოება მეასე ხარისხოვანია მაშინ, როცა სამშობლოს ვკარგავთ, მაგრამ ეს არ უნდა იყოს რაიმე განხეთქილების ან უთანხმოების თემა. მაშინ, როდესაც უკვე მიღწეულია უმნიშვნელოვანესი შეთანხმება ოპოზიციურ პარტიებს შორის", — წერს სააკაშვილი ფეისბუქის საკუთარ გვერდზე.

მისივე თქმით, ის საქართველოში ვერ ვბრუნდება არა იმიტომ, რომ რომელიმე ოპოზიციის წევრს არ სურს დაბრუნდეს, არამედ იმის გამო, რომ პოლიტიკურ დევნილობაში იმყოფება არსებული დანაშაულებრივი რეჟიმის მიერ.

"მიმაჩნია, რომ ამ დანაშაულებრივი რეჟიმის წინააღმდეგ ყველა ოპოზიციური პარტიის ერთობა არის უფრო მნიშვნელოვანი, ვიდრე ნებისმიერი პიროვნების ბედი, თუნდაც ეს იყოს ჩემი მოკრძალებული პიროვნება", — წერს საქართველოს მე-3 პრეზიდენტი.

ის, ასევე, ამბობს, რომ მადლიერია ყველა იმ ხალხის, ვინც მისი დაბრუნების საკითხს აყენებს. სააკაშვილის თქმითვე, მისთვის უმძიმესია მრავალწლიანი განშორება საქართველოსთან და სამშობლოს მიწაზე ფეხის დადგმა ეს არის ბევრად უფრო მნიშვნელოვანი, ვიდრე რომელიმე თანამდებობა ან ნებისმიერი პოლიტიკური როლი .