ევროპული საქართველოს ერთ-ერთი ლიდერის, გიგა ბოკერიას განცხადებით, მათ პარტიას აქვს ნებისყოფა და რწმენა იმისა, რომ ბიძინა ივანიშვილის და მისი გარემოცვის მორალური გატეხვა შეუძლიათ.

"ამ პარლამენტის ბოიკოტზე მიღებული იქნა ერთსულოვანი გადაწყვეტილება. ჩვენ გვაქვს ნებისყოფა და რწმენა, რომ მორალურად გავტეხოთ ეს კაცი და მისი გარემოცვა პოლიტიკური კლოუნების, რომელმაც საქართველოს თავს მოახვია ჩვენი ქვეყნისთვის უაღრესად საშიში ტენდენცია სრული მონოპოლიზაციის ძალაუფლების, დაშინების, ძალადობის და მოსყიდვის ამ გაჭირვებაში მყოფი ადამიანების", — განაცხადა ბოკერიამ.

ევროპული საქართველო პარლამენტში შესვლაზე უარს ამბობს. ამის შესახებ პარტიის ოფისში გამართულ საგანგებო ბრიფინგზე განაცხადეს. გარდა ამისა, პარტიაში მაჟორიტარულ ოლქებში მეორე ტურშიც არ მიიღებს მონაწილეობას.

როგორც პარტიის ლიდერმა, დავით ბაქრაძემ თქვა, ისინი არჩევნების ლეგიტიმურობას არ აღიარებენ. დავით ბაქრაძის თქმით, არჩევნებზე იყო ამომრჩევლის მოსყიდვა, ხელით გადაკეთებული ოქმები და დაშინება.

მათივე თქმით, პროტესტის საბოლოო მიზანი ახალი არჩევნების დანიშვნაა.