ლიეტუვის საგარეო საქმეთა სამინისტროს განცხადებით, 31 ოქტომბერს საქართველოში გამართულ საპარლამენტო არჩევნებზე ამომრჩეველთა აქტივობა (56%) აჩვენებს, რომ კოვიდპანდემიის მიუხედავად, ქართველს ხალხს ქვეყნის ბედი აღელვებთ. საგარეო უწყება საერთაშორისო სადამკვირვებლო მისიის განცხადებებს ეყრდნობა, რომლის მიხედვით, არჩევნები კონკურენტული იყო და საბოლოო ჯამში ფუნდამენტური თავისუფლება დაცული.

"თუმცა გარკვეული ინციდენტები და დარღევები დაფიქსირდა, რისი გამოძიებისკენაც მოვუწოდებთ მთავრობას. საპარლამენტო არჩევნების მეორე ტურის წინ, ასევე, მოვუწოდებთ პოლიტიკურ პარტიებსა და ცესკოს საერთაშორისო სადამკვირვებლო ჯგუფების შენიშვნები გაითვალისწინონ, რათა დარწმუნდნენ, რომ მომდევნო არჩევნები რაიმე სახის ეჭვს არ გამოიწვევს", — წერია ლიეტუვის საგარეო უწყების მიერ გავრცელებულ განცხადებაში.

მათივე თქმით, ლიეტუვა ამ საპარლამენტო არჩევნებს მნიშვნელოვან ნაბიჯად თვლის საქართველოში დემოკრატიის კონსოლიდაციისთვის. საგარეო უწყებაში აცხადებენ, რომ ახალმა საარჩევნო სისტემამ პოლიტიკური პარტიებისა და მოქალაქეების ნდობა დემოკრატიული პროცესისადმი გაზარდა. ამიტომ, იმედოვნებენ, რომ საარჩევნო სისტემის შემდგომი გაუმჯობესება პოლიტიკურ აქტორთა ფართო სპექტრს საშუალებას მისცემს პარლამენტში წარმოდგენილი იყოს.

"იმედი გვაქვს, რომ არჩევნების მეორე ტურის შემდეგ ჩამოყალიბებული მთავრობა დაუყოვნებლივ განახორციელებს ისეთ რეფორმებს, რომლებიც საქართველოს მოქალაქეებისთვის მნიშვნელოვანია", — აცხადებენ ლიეტუვის საგარეოში.

ლიეტუვა საქართველოსთან ახლო თანამშრომლობის გაგრძელების, მისი სუვერენიტეტის, დამოუკიდებლობისა და ტერიტორიულ მთლიანობის მხარდაჭერის საქმეში მზადყოფნას კვლავ გამოთქვამს.