ამ წუთებში, საქართველოს პარლამენტის წინ გაერთიანებული ოპოზიციის აქცია მიმდინარეობს, სადაც 31 ოქტომბრის არჩევნების შედეგებს აპროტესტებდნენ. რუსთაველზე მყოფ მომიტინგეებს, ლელოს ლიდერის, მამუკა ხაზარაძის წერილი მისმა თანაპარტიელმა და ლელოს ერთ-ერთმა ლიდერმა, საბა ბუაძემ, წაუკითხა.

"მეგობრებო, ბოდიშს გიხდით, რომ ახლა ფიზიკურად არ ვარ თქვენთან, თუმცა ვარ თითოეულ ადამიანთან, ვინც ახლა რუსთაველზე დგას და ვინც ტელევიზიის საშუალებით აკვირდება პროცესს და თითოეული აქ შეკრებილი მოქალაქის სამართლიან მოთხოვნას! ქართველ ხალხს გუშინდელი არჩევნებით წაართვეს ყველაზე მთავარი — თავისუფალი არჩევანის უფლება! ჩვენ მოგვპარეს ხმები, რომელიც ჩვენი ქვეყნის მოქალაქეებმა საქართველოს მომავალს მისცეს. ჩვენ, ლელო ამ არჩევნებს ვაცხადებთ არალეგიტიმურად! მოვუწოდებ სრულიად ოპოზიციურ პარტიებს ერთიანობისკენ, ჩვენ გავიმარჯვებთ, ჩვენ მართლები ვართ", — წერს ხაზარაძე.

შეგახსენებთ, რომ ორი კვირის წინ ხაზარაძეს კორონავირუსი დაუდასტურდა და ამ ეტაპზე საავადმყოფოში იმყოფება.