მთავრობის ადმინისტრაციის ცნობით, აზერბაიჯანის პრეზიდენტმა, ილჰამ ალიევმა საქართველოს პრემიერმინისტრ გიორგი გახარიას, 31 ოქტომბრის საპარლამეტო არჩევნებში გამარჯვება მიულოცა. მათივე ინფორმაციით, ილჰამ ალიევსა და გიორგი გახარიას შორის სატელეფონო საუბარი შედგა.

"საუბრისას ხაზი გაესვა აზერბაიჯანსა და საქართველოს შორის არსებულ სტრატეგიულ პარტნიორობას და მრავალწლიან კეთილმეზობლურ ურთიერთოებებს", — განმარტავენ მთავრობის ადმინისტრაციაში.

საპარლამენტო არჩევნები საქართველოში გუშინ, 31 ოქტომბერს ჩატარდა. პარლამენტის არჩევნები წელს პირველად პროპორციულთან მიახლოებული, 120/30-ზე სისტემით გაიმართა. ცესკოს გამოცხადებულ შედეგებს შედეგებს ოპოზიცია არ აღიარებს. პარტიების ნაწილი ამბობს, რომ სადეპუტატო მანდატებზე უარს იტყვიან, რათა რიგგარეშე არჩევნები ჩატარდეს.