ნაციონალური მოძრაობის ერთ-ერთი ლიდერის, ხატია დეკანოიძის განცხადებით, ეს არჩევნები "მიტაცებული იყო". ასე გამოეხმაურა იგი სხვა ოპოზიციის ლიდერებთან ერთად ცესკოს წინასწარ შედეგებს, რომლის მიხედვითაც მმართველი პარტიის კანდიდატები ოლქების უმრავლესობაში ლიდერობენ.

"ვაპირებთ, დავიცვათ ის პასუხისმგებლობა, რომელიც დაგვაკისრა ჩვენმა ამომრჩეველმა. დავიცვათ, თითოეული ამ ამომრჩევლის ხმა. გარდა ამისა, რა თქმა უნდა, ეს არ იყო არჩევნები. მთელი დღის განმავლობაში ვაკვირდებოდით რა ხდებოდა, ეს იყო მიტაცებული ხალხის ხმა, ეს იყო მიტაცებული არჩევნები", — აღნიშნავს დეკანოიძე.

ხვალ, 16:00 საათზე ოპოზიცია აქციას გამართავს, ასე გამოეხმაურნენ პოლიტიკური ლიდერები ცენტრალური საარჩევნო კომისიის მიერ გამოქვეყნებულ შედეგებს, რომლებიც, უწყების განცხადებით, ამომრჩეველთა ხმების 28%-ს ეყრდნობა.

ცესკოს პირველადმა შედეგებმა ოპოზიციის კრიტიკა და გაღიზიანება გამოიწვია. პოლიტიკური პარტიის ლიდერები აცხადებენ, რომ არჩევნების შედეგები რეალობას არ ასახავს. გვიან ღამით ისინი ცესკოს ოფისთან შეიკრიბნენ და გააპროტესტეს. ადგილზე მობილიზებული იყო პოლიცია.

ხვალ, 16:00 საათზე ოპოზიცია საპროტესტო აქციას გეგმავს, სადაც გაჟღერდება მათი გეგმებისა და მოთხოვნების შესახებ.

ცესკოს პირველადი შედეგები მიახლოებულია იმედის დაკვეთით ჩატარებული ეგზტიპოლის მონაცემებთან, რომლის მიხედვითაც, "ოცნებას" — 54%, ენმ-სა და ძალა ერთობაშიას კი 24% აქვს.

გაიგეთ მეტი ეგზიტპოლების შედეგებზე: