ხვალ, 16:00 საათზე ოპოზიცია აქციას გამართავს, ასე გამოეხმაურნენ პოლიტიკური ლიდერები ცენტრალური საარჩევნო კომისიის მიერ გამოქვეყნებულ შედეგებს, რომლებიც, უწყების განცხადებით, ამომრჩეველთა ხმების 28%-ს ეყრდნობა.

ნიკა მელიას განცხადებით, ბევრი პოლიტიკოსი ახლა არჩევნების გამო რეგიონში იმყოფება, ისინი თბილისში ხვალ დაბრუნდებიან და დღეს გადაწყვეტილება სწრაფად იყო მისაღები.

ბევრი კოლეგა შევიკრიბეთ, ბევრი არჩევნების გამო რეგიონშია გასული და ხვალ ბრუნდება რეგიონში.

"ხვალ 4-ზე ველოდებით ქართველ ხალხს რუსთაველის გამზირზე", — აღნიშნა მან.

1 ნოემბრის ღამეს, 03:00 საათის შემდეგ, ცენტრალურმა საარჩევნო კომისიამ პირველადი მონაცემები გამოაქვეყნა. უწყებაში აღნიშნეს, რომ დათვლილია ხმების 28%. ამ მონაცემების მიხედვით, ქართულ ოცნებას აქვს 54,72%, ნაციონალურ მოძრაობას — 23,61%, ევროპულ საქართველოს — 3,99%.

მოგვიანებით, მონაცემები განახლდა და ამჟამად საიტზე ასახულია თითქმის 40%, რომლის მიხედვით, ქართულ ოცნებას აქვს ხმების 50,93%, ძალა ერთობაშია — ნაციონალურ მოძრაობას 24,68%, ევროპულ საქართველოს — 3,87%, პატრიოტთა ალიანსს 3,33%, ლელოს კი, 3,08.