საქართველოს ექსპრეზიდენტის, მიხეილ სააკაშვილის განცხადებით, საარჩევნო პროცესი ძალიან კარგად მიმდინარეობს. მან ოპოზიციის ამომრჩეველს მოუწოდა, რომ "ბოლომდე მიაწვნენ".

"ივანიშვილი დამთავრდა. ახლა ძალიან მნიშვნელოვანია, ყველანი საარჩევნო უბნებზე, ძალიან მნიშვნელოვანია, რომ ციფრები იყოს მაქსიმალურად დიდი ოპოზიციისთვის. ჩვენ, ქართველმა ხალხმა უნდა გადავიბაროთ ქვეყანა და ჩვენ ყველამ ერთად უნდა დავიწყოთ ახალი სახელმწიფოს მშენებლობა ყოველგვარი პიროვნული ამბიციების გარეშე. ყველაფერი კარგად მიდის, მიაწექით ბოლომდე — ახლა არის ძალიან მნიშვნელოვანი ისტორიული მომენტი, ძალიან მაგრად მიდის საარჩევნო პროცესი", — განაცხადა სააკაშვილმა.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: