ნაციონალური მოძრაობის უკვე ყოფილმა წევრმა ოთო კახიძემ დღეს, 12 იანვარს გამართულ ბრიფინგზე განაცხადა, რომ მის ახლად შექმნილ გუნდს სურს, რომ მიხეილ სააკაშვილის გარეშე ჩამოყალიბდეს:

"საპარლამენტო არჩვენების შემდეგ დავდექით სხვა რეალობის წინაშე, რომელიც დაიწყო ისე, რომ "მიხეილ სააკაშვილის გარეშე თქვენ ხართ ნულები". ეს ფრაზა იყო პირველი და შემდეგ ამას მოჰყვა ტალახის სროლის ნიაღვარი. ჩვენ გვაქვს შანსი, რომ ვიღაცის გარეშე ნულობიდან გადავიდეთ და შევთავაზოთ საზოგადოებას ალტერნატივა".

კახიძის თქმით, მას იმედი ჰქონდა, რომ მიხეილ სააკაშვილი პარტიას გააერთიანებდა, თუმცა, მისივე განცხადებით, როგორც ლიდერს საკმარისი უნარი არ აღმოაჩნდა:

"როგორ მე ბოლომდე მქონდა იმედი რომ გიგი უგულავას და დავით ბაქრაძის მოწოდებებს გამოეხმაურებოდა და ეს იქნებოდა მაკონსოლიდირებელი ფაქტორი, თუმცა, სამწუხაროდ, ეს უნარები მას როგორც ლიდერს აღარ აღმოაჩნდა".