ქუთაისში, ახალგზრდობის გამზირზე ავტომობილი ხეს შეეჯახა. შედეგად 2 ადამიანი ადგილზე გარდაიცვალა, ერთი დაშავდა. შემთხვევა გუშინ, 29 ოქტომბერს მოხდა.

შინაგან საქმეთა სამინისტროში On.ge-ს განუცხადეს, რომ მომხდარზე გამოძიება სისხლის სამართლის კოდექსის 276-ე მუხლის მე-8 ნაწილით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.