ტესტი: შეგიძლია თუ არა ამოიცნო კორუფცია?

კორუფცია ლათინური სიტყვაა და გაფუჭებას, განადგურებას ნიშნავს. სწორედ ეს ემართება სახელმწიფო ინსტიტუტებს, როდესაც საჯარო მოხელეები ძალაუფლებას არადანიშნულებისამებრ და არალეგიტიმურად იყენებენ.

კორუფციის არაერთი ფორმაა გავრცელებული, მათ შორის კი ყველაზე ხშირად მოქრთამვა, პატრონაჟი, ძალაუფლების ბოროტად გამოყენება გვხვდება. გაინტერესებს, შეგიძლია თუ არა კორუფციული ფაქტების ამოცნობა? — შეავსე ტესტი, რომელშიც კითხვების უმეტესობა საქართველოში, საჯარო სამსახურებში დაფიქსირებული კორუფციული შემთხვევების მიხედვითაა შედგენილი.

ვრცლად ეს ფაქტები საერთაშორისო გამჭვირვალობა — საქართველოს კვლევებშია მოცემული.

მაღალჩინოსნის ნათესავმა 90 ტენდერიდან 42 უკონკურენტოდ მოიგო. რა ხდება?

მას შემდეგ, რაც შენი მეზობლის ნათესავი ქალაქის მერად აირჩიეს, მისმა კომპანიამ 8 ტენდერში გაიმარჯვა. მანამდე მას არცერთი ტენდერი არ ჰქონდა მოგებული. რას ფიქრობ?

შენს ქალაქში ყოფილი თანამდებობის პირმა, თანამდებობის დატოვებიდან მალევე, დააფუძნა კომპანია და გზების მოასფალტების ტენდერი მოიგო. როგორი რეაქცია გექნებოდა?

შენი სოფლის მხარდაჭერის პროგრამის ბიუჯეტი, მეორე წელია, გამარტივებული შესყიდვის პროცედურით იხარჯება. შენი აზრით, რა არის აქ პრობლემა?

ყოფილი მაღალჩინოსნის დედამ 17 ტენდერიდან 16-ში გაიმარჯვა, მაშინ, როცა შენს კომპანიას ყოველ ჯერზე უკეთესი პირობები ჰქონდა შეთავაზებული. რას იზამ?

ბათუმის ბულვარში საახალწლო განათებების მოსაწყობად რომ საკრებულოს ოჯახის წევრს გაემარჯვებინა, ტენდერის პირობები მის კომპანიას მოარგეს. რას ფიქრობ?

შენმა მეგობარმა 2001 წელს ადგილობრივი ტელევიზია დააარსა. მას შემდეგ კი, რაც იგი საკრებულოს თავმჯდომარის მოადგილედ დაინიშნა, მისი ტელევიზია ტენდერებს უკონკურენტოდ იგებს

კორპუსის მშენებლობაზე ნებართვის სანაცვლოდ მერიაში ორი ბინის დათმობა მოგთხოვეს, რას იზამ?

სოფლის მეურნეობის მინისტრის მეგობრის შვილმა ღვინის ეროვნულ სააგენტოში PR მენეჯერად დაიწყო მუშაობა, რას ფიქრობ?

ტესტი: შეგიძლია თუ არა ამოიცნო კორუფცია?

შენ თავად ხარ კორუფციის წყარო

შენთვის არაფერს წარმოადგენს ის ფაქტი, რომ ძალაუფლების არამიზნობრივად ან ბოროტად გამოყენება შეგიძლია. თუმცა, უნდა გახსოვდეს, რომ ეს ქმედება კანონით ისჯება.

ხოლო იმისთვის, რომ გაიგო, რომელი ქმედებებია კორუფციული, ესტუმრე საერთაშორისო გამჭვირვალობა — საქართველოს ვებგვერდს და გაეცანი უახლეს კვლევებს გამჭვირვალობისა და ანგარიშვალდებულების შესახებ.

კორუფციის ამოცნობა გიჭირს

Giphy

შენ გგონია, რომ "ქართულ-ჯიგრულად" საქმის კეთება კორუფცია არაა. თუმცა, უნდა გახსოვდეს, რომ ეს დანაშაულია და ისჯება.

იმისთვის, რომ გაიგო, რომელი ქმედებებია კორუფციული, ესტუმრე საერთაშორისო გამჭვირვალობა — საქართველოს ვებგვერდს და გაეცანი უახლეს კვლევებს გამჭვირვალობისა და ანგარიშვალდებულების შესახებ.

კორუფციის ნამდვილი დეტექტორი ხარ

Giphy

ყოველთვის ხვდები, რომელი ფაქტია კორუფციული და რამდენად საზიანოა ის სახელმწიფოსა და თითოეული ადამიანის კეთილდღეობისთვის.

მართალია, შენ კარგად გესმის ეს საკითხი, მაგრამ შეგიძლია, კიდევ უფრო გაიღრმავო ცოდნა. ამისთვის ესტუმრე საერთაშორისო გამჭვირვალობა — საქართველოს ვებგვერდს და გაეცანი უახლეს კვლევებს გამჭვირვალობისა და ანგარიშვალდებულების შესახებ.

კორუფციის ამოცნობა შეგიძლია, მაგრამ მის წინააღმდეგ არ იბრძვი

Giphy

კარგად ხვდები, რა არის კორუფცია და რამდენად საზიანოა ის საზოგადოებისთვის, მაგრამ მასთან ბრძოლა უშედეგო გგონია. თუმცა, უნდა გახსოვდეს, რომ ცვლილებების მოტანა თითოეულ ადამიანს შეუძლია.

იმისათვის, რომ უფრო მეტი გაიგო კორუფციისა და მასთან ბრძოლის მეთოდებზე, ესტუმრე საერთაშორისო გამჭვირვალობა — საქართველოს ვებგვერდს და გაეცანი უახლეს კვლევებს გამჭვირვალობისა და ანგარიშვალდებულების შესახებ.

ბოლო ამბები:

გირჩევთ