კობახიძემ TV პირველის ჟურნალისტისა და ენმ-ს წევრის დიალოგზე ისაუბრა, ჟურნალისტი აცხადებს, რომ მას უსმენენ
ქართული ოცნების ერთ-ერთმა ლიდერმა, ირაკლი კობახიძემ დღევანდელ ბრიფინგზე TV პირველის ჟურნალისტისა და ენმ-ის წარმომადგენლის დიალოგზე ისაუბრა. მას არ დაუკონკრეტებია, საიდან იცის ამ საუბრის შესახებ, მხოლოდ ის თქვა, რომ საუბარი ისეთ ადგილას შედგა, სადაც ნაციონალური მოძრაობის სხვა წარმომადგენლებიც იმყოფებოდნენ. TV პირველის ჟურნალისტის განცხადებით, საუბარი ტელეფონით შედგა და დადასტურდა, რომ მას უსმენენ.
ირაკლი კობახიძემ დღეს გამართულ სპეციალურ ბრიფინგზე კიდევ ერთხელ განაცხადა, რომ ოპოზიცია არჩევნების დღეს დესტრუქციებს გეგმავს. ამის შემდეგ კი ისაუბრა TV პირველის ჟურნალისტ ნატო გოგელიასა და ოზურგეთში ნაციონალური მოძრაობის შტაბის თავმჯდომარის, ბესო ქათამაძის დიალოგზე. ქართული ოცნების ერთ-ერთი ლიდერის მტკიცებით, ჟურნალისტი ქათამაძეს ეკითხებოდა, სად სჭირდებოდა მხარდაჭერა "არეულობის პროცესში".
"გუშინ შედგა საუბარი TV პირველის ჟურნალისტს, ნატო გოგელიას და ნაცმოძრაობის ორგანიზაციის ლიდერს, ბესო ქათამაძეს შორის, რა დროსაც მხარდაჭერის მიზნით გოგელიამ ქათამაძეს მოსთხოვა ინფორმაცია იმ უბნების შესახებ, სადაც, ვციტირებ: "აპირებენ ხმაურს და არეულობას", რაზეც მიიღო ინფორმაცია იმის შესახებ რომ ხმაური და არეულობა იგეგმება ნასაკირალსა და ჭანიეთში", — განაცხადა კობახიძემ
ჟურნალისტებმა მას ჰკითხეს, საიდან აქვს ინფორმაცია ორი ადამიანის საუბრის შესახებ, რაზეც მან თქვა, რომ ფლობს "გამოჟონილ" ინფორმაციას.
"ესაუბრებოდნენ ისეთ ადგილას ერთმანეთს, სადაც იყვნენ სხვა წარმომადგენლებიც ნაცმოძრაობის და ჩვენ გვაქვს გამოჟონილი ინფორმაცია", — ამბობს კობახიძე.
TV პირველის გენერალური პროდიუსერის თქმით, ეს განცხადება იყო აღიარება ქართული ოცნების მხრიდან, რომ წინასაარჩევნოდ ჟურნალისტებს უსმენენ. ნოდარ მელაძე ასევე ამბობს, რომ ტელეკომპანიის ჟურნალისტებს აქამდეც უთვალთვალებდნენ და იყო ელექტრონულ ფოსტაში შეღწევის შემთხვევებიც.
"დღეს ჩვენ გვაქვს დადასტურებული აღიარება ქართული ოცნების ლიდერის მხრიდან, რომ საქართველოში არჩევნების წინ მიდის ჟურნალისტებზე ფარული მიყურადება და თვალთვალი", — ამბობს ნოდარ მელაძე.
იგივე პოზიცია აქვს ჟურნალისტ ნატო გოგელიასაც, რომელიც კობახიძის განცხადებას Facebook-ზე გამოეხმაურა.
"ე.წ. პოლიტიკოსმა ირაკლი კობახიძემ, დღევანდელ ბრიფინგზე საჯაროდ დაადასტურა, რომ ხელისუფლება მისმენს! ის, რაც ზუსტად ვიცოდით, ის, რაზეც ვსაუბრობდით, დღეს პირდაპირ აღიარა პოლიტიკოსად წოდებულმა კაცმა!!!", — დაწერა მან.
გარდა ამისა, მან განმარტა ბესო ქათამაძესთან საუბარიც. გოგელია აღნიშნავს, რომ ენმ-ის წარმომადგენელს ტელეფონზე დაურეკა და ჰკითხა, რა ხდებოდა რეგიონში, სად იყო დაძაბულობა.
"რაზეც მითხრა, რომ ნასაკირალში და ჭანიეთში რთული მდგომარეობაა, რომ ნასაკირალში, გუშინ წინ მათი შეხვედრის ჩაშლა სცადა "ქართულმა ოცნებამ" და რომ არჩევნებზე ამ ორ უბანზე ელოდებიან პროვოკაციებს. ამის შემდეგ, ბესო ქათამაძეს შევხდი მათი პარტიის ოფისთან, დაახლოებით 20 ადამიანის თანდასწრებით (სხვა რესპონდენტს ველოდებოდი), სადაც დაახლოებით 2 წუთი ვისაუბრეთ, გუშინ, ოზურგეთში მომხდარ ფაქტზე კარტოფილის და ზეთის დარიგებაზე! აი, სულ ეს იყო ამბავი!!!", — წერს გოგელია.
ჟურნალისტი ამბობს იმასაც, რომ ვერ შეაშინებენ და აპირებს სასამართლოს მიმართოს.
"ახლა, როცა ჩემი პატარა შვილები მირეკავენ და მეკითხებიან, რა დავაშავე; როცა დედაჩემი შენი ბინძური და ტყუილებით გაჯერებული განცხადების გამო ცუდადაა; როცა ჩემი ახლობლები ნერვიულობენ, პირდაპირ გეუბნები — არ შეგარჩენ, სამართლებრივად ვიომებ. რაც არ უნდა მოიგონოთ, რაც არ უნდა შეთხზათ, ვერ შემაშინებთ!!!", — წერს გოგელია.
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
-
გადახედვაოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან ოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან
კომენტარები