20 იანვარს აშშ-ს ოფიციალურად ახალი პრეზიდენტი დონალდ ტრამპი ეყოლება. მისი პრეზიდენტობის მეორე დღესვე კი ქალთა საპროტესტო აქცია იგეგმება, რომელსაც ჰოლივუდის ვარსკვლავები შეუერთდებიან, მათ შორის: სკარლეტ იოჰანსონი, დებრა მესინგი, შერი, ქეითი პერი, პატრისია არკეტი, ჯულიანა მური, ემი შუმერი და სხვები.

"არჩევნების შემდეგ ბევრს აქვს იმის შიში, რომ ვეღარ ისაუბრებენ. ჩვენ, როგორც ქალები და ამერიკელები, თავს ვალდებულებად ვთვლით, ერთად დავდგეთ სოლიდარობისთვის, ღირსებისთვის, ადამიანის უფლებებისა და ხალხისთვის", - ამბობს აქციის ერთ-ერთი მონაწილე, უშნო ბეტის ვარსკვლავი ამერიკა ფერერა.

"ეს მსვლელობა პირველი ნაბიჯია ცვლილებების დასაწყებად. ჩვენ არ მოვისვენებთ, სანამ ყველაზე ჩაგრულ ჯგუფებს ამ ქვეყანაში პრობლემები აქვთ ", - ნათქვამია MISSION & VISION-ის განცხადებაში, რომელიც აქციის ერთ-ერთი ორგანიზატორია.

აქციის ლოზუნგია - გაიგე ჩვენი ხმა!