საქართველოს ყოფილი პრეზიდენტი, მიხეილ სააკაშვილის აცხადებს, რომ გამარჯვების შემთხვევაში კორონავირუსთან საბრძოლველად ეროვნული ხსნის კომიტეტს შექმნის. ამის შესახებ მან მთავარი არხის ეთერში ისაუბრა. სააკაშვილი მზადაა, რომ კომიტეტს თვითონ ჩაუდგეს სათავეში.

"იმ ციფრებით, როგორც მიდის საქართველო, ჩვენ შემდეგი წლინახევრის განმავლობაში დავკარგავთ 50-60 ათასი ადამიანის სიცოცხლეს ან განადგურებულ ჯანმრთელობას მივიღებთ. ეს არის წარმოუდგენლად მაღალი ციფრი საქართველოსთვის. ჩვენ მივიღებთ ასობით ათას ადამიანს, რომელიც ასევე ნაწილობრივ მწყობრიდან იქნება გამოსული", — განაცხადა მან.

როგორც იგი ამტკიცებს, თუ კომიტეტში პოლიტიკოსებიც შევლენ, იქ მთავრობაც და ოპოზიციაც იქნება. მისი გეგმით, კომიტეტში წარმოდგენილი იქნებიან როგორც ქართველი, ისე უცხოელი ექსპერტები.