დაავადებათა კონტროლის ცენტრის დირექტორის, ამირან გამყრელიძის განცხადებით, კორონავირუსის შემთხვევების პიკი ნოემბრის მეორე-მესამე კვირაში იქნება.

"შემთხვევების ზრდა კიდევ გვექნება. დღის განმავლობაში გარკვეულ ფარგლებში ზრდა იქნება. გუშინდელთან შედარებით ნახეთ, რომ დაახლოებით 200-ით არის მომატებული. ეს ზრდა ჯერ გაგრძელდება. დაახლოებით, ჩვენი გათვლებით, პიკში შევალთ სადღაც ნოემბრის მეორე-მესამე კვირაში", — განაცხადა გამყელიძემ.

23 ოქტომბერს საქართველოში გამოვლენილი კორონავირუსის 1 759 ახალი შემთხვევა გამოვლინდა, რომელთაგან 686 თბილისს უკავშირდება, 487 — აჭარას, 356 კი იმერეთს.

პანდემიის დაწყების დღიდან ქვეყანაში კორონავირუსის 24 562 შემთხვევა დაფიქსირდა. კარანტინის რეჟიმშია 4 408 ადამინია, სტაციონარში მეთვალყურეობის ქვეშ — 3155, კოვიდ სასტუმროში იმყოფება 848 პირი.