21 მუნიციპალიტეტის 60-ზე მეტ სოფელში გაზის შესაყვანად სახელმწიფო ბიუჯეტიდან 20 მილიონი ლარი გამოიყოფა. ამ გადაწყვეტილების შესახებ პრემიერმინისტრმა გიორგი კვირიკაშვილმა 25 თებერვლის მთავრობის სხდომის დაწყების წინ ისაუბრა. პრემიერის განმარტებით, სულ მალე 8000-მდე აბონენტი ბუნებრივი აირს მიიღებს.

„საქმე ეხება, ისეთი სოფლებს, როგორებიცაა ცაიში, გელათი, მოწამეთა, ომალო, აბასთუმანი. ეს არის ისტორიული მნიშვნელობის პროექტები, დაახლოებით 8000-მდე აბონენტს ექნება ბუნებრივი აირი," - განაცხადა გიორგი კვირიკაშვილმა.