დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ბინაზე მართვა ოჯახის ექიმის კომპეტენციაა, ამიტომ პაციენტები, რომლებიც ბინაზე მკურნალობენ მათ პირადად უნდა დაუკავშირდნენ და საქმის კურსში თავად ჩააყენონ ექიმები.

"[ბინაზე მკურნალი პაციენტი] ნუ დაელოდება, რომ ვინმე დაურეკავს, ყველა ადამიანს გვყავს ჩვენი ოჯახის ექიმი. თუ მან არ დაურეკა, სასურველია რომ პროაქტიულად 112-ით კი არა, თვითონ დაურეკოს თავის ოჯახის ექიმს, ჩააყენოს საქმის კურსში და მართოს დისტანციურად ოჯახის ექიმმა. ბინაზე მართვა არის ოჯახის ექიმის კომპეტენცია, რომელიც არ არის რთული", — განაცხადა გამყრელიძემ.

დღეს საქართველოში კორონავირუსის 1 194 ახალი შემთხვევა გამოვლინდა. გამოჯანმრთელდა — 328, გარდაიცვალა — 15.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: