ქართული ოცნების დეპუტატ გენადი მარგველაშვილს Covid-19 დაუფიქსირდა. ინფორმაცია ამის შესახებ On.ge-ს თავად დეპუტატმა დაუდასტურა. მისივე თქმით, მასთან ერთად ინფიცირებულია მისი შვილიც.

"მოთენთილი ვარ და თავიც მტკივა. მაქვს სიმპტომები. სახლში ვმკურნალობთ ამჟამად მე და ჩემი შვილი. ხუთშაბათს, 15 ოქტომბერს გამოვლინდა ვირუსი", — ამბობს მარგველაშვილი.

დღესვე ცნობილი გახდა, რომ კორონავირუსი დაუდასტურდა ქართული ოცნების წევრ ნინო წილოსანსაც.

19 ოქტომბრის მონაცემებით, საქართველოში კორონავირუსის 1 186 ახალი შემთხვევა გამოვლინდა. გასული დღე-ღამის განმავლობაში 278 პაციენტი გამოჯანმრთელდა, ხოლო 7 გარდაიცვალა.

სულ ქვეყანაში 18 663 შემთხვევაა დაფიქსირებული. ამათგან 8 338 პაციენტი გამოჯანმრთელდა და 136 გარდაიცვალა. კარანტინის რეჟიმშია 6 407 ადამიანი, სტაციონარში მეთვალყურეობის ქვეშ — 836; კოვიდ სასტუმროში მყოფი პირები — 1 420.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: