შერიგებისა და სამოქალაქო თანასწორობის საკითხებში სახელმწიფო მინისტრის, თეა ახვლედიანის განცხადებით, პანდემიის პერიოდში ბორდერიზაცია გრძელდებოდა და იგი, დაახლოებით, 14 სოფელს შეეხო.

"2008 წლის ომის დროს 100-ზე მეტი სოფელი დაზარალდა. ვიტყოდი, ამ პანდემიის დროს ბორდერიზაცია განხორციელდა და, დაახლოებით, 14 სოფელს შეეხო. რაც შეეხება სიგრძეს ამ მახინჯი მავთულხლართების, ცხინვალის რეგიონში ის 52 კილომეტრს შეადგენს, აფხაზეთის რეგიონებში — 49-ს. იცით, ალბათ, რომ მავთულხლართების მიღმა იქ არსებობს ე.წ. ხნულები, ე.წ საზღვრის აღმნიშვნელი ბანერები, რაც ბორდერიზაციის ნაწილია", — განაცხადა ახვლედიანმა პალიტრანიუსის ეთერში.

მისი თქმით, საოკუპაციო რეჟიმი საოკუპაციო ხაზის მიღმა ბარიერების აღმართვას ახორციელებს და ეს იქეთკენაა მიმართულია, რომ შეფერხდეს ქვეყნის განვითარების, ევროინტეგრაციის პროცესი და შეიქმნას უსაფრთხოების მხრივ გამოწვევები.