ცესკო-ს თავმჯდომარის, თამარ ჟვანის განცხადებით, პოლიტიკური პარტიებისთვის საარჩევნო ადმინისტრაციის შეთავაზებაა, რომ საარჩევნო უბნები კოვიდინფიცირებულებისა და საკარანტინო სივრცეში მყოფებისთვის გახსნან. მთავარი არხის დილის ეთერში ჟვანიამ, ასევე, ისაუბრა თვითიზოლაციაში მყოფ პირებზე და აღნიშნა, რომ მათთვის გადასატანი ყუთით მომსახურებას ფიქრობენ.

"ძალიან ბევრი ვიფიქრეთ ამაზე და მთავარი არგუმენტი იყო, რომ ყველაფერი გააკეთოს საარჩევნო ადმინისტრაციამ, რომ ადამიანებს ჰქონდეთ კონსტიტუციური უფლების განხორციელების უფლება. ჩვენი დღევანდელი შეთავაზება, არის ის, რომ საკარანტინე სივრცეებში გავხსნათ უბნები, კოვიდინფცირებულებისთვის გავხსნათ უბნები და ამავდროულად ვინც ბინაზე არიან, ეს შეიძლება იყოს კოვიდინფიცრებული ან თვითიზოლაციის რეჟმში, მათ მოვემსახუროთ გადასატანი ყუთით", — განაცხადა თამარ ჟვანიამ.

მისივე ინფორმაციით, საკითხს დეტალურად საარჩევნო ადმინისტრაციაში სამოქალაქო სექტორთან და პოლიტიკური პარტიებთან ერთად, დღეს განიხილავენ. კვირის ბოლომდე კი მოქალაქეები ინფორმირებულნი იქნებიან, თუ როგორ უნდა მისცენ ხმა.

საპარლამენტო არჩევნები 31 ოქტომბერსა დანიშნული.

13 ოქტომბერს საქართველოში კორონავირუსის 569 ახალი შემთხვევა დაფიქსირდა. გამოჯანმრთელდა — 329. ჯამში საქართველოში კორონავირუსის სულ 12 841 შემთხვევაა დადასტურებული. აქედან, 6 867ადამიანი უკვე გამოჯანმრთელდა. კორონავირუსით სულ 102 გარდაიცვალა.

ამ დროისთვის კარანტინის რეჟიმში 5 590 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 393 პირი მკურნალობს.