თბილისში, მოსე თოიძის ქუჩაზე, იტალიურ ეზოში ხელყუმბარა იპოვეს. როგორც ადგილობრივი რუსთავი 2-თან ამბობს, ნაჭერში შეხვეული ნივთი სახლის სახურავზე იყო, გადმოაგდეს და როცა ხელყუმბარა ნახეს, შსს-ს აცნობეს.

ტელეკომპანიის ინფორმაციით, ამ ეზოს გვერდით EU-ს წარმომადგენლობის ოფისია.

On.ge-ს შინაგან საქმეთა სამინისტროში განუცხადეს, რომ გამოძიება სისხლის სამართლის კოდექსის 236-ე მუხლით დაიწყო, რაც ცეცხლსასროლი იარაღის (გარდა სანადირო გლუვლულიანი ცეცხლსასროლი იარაღისა (თოფისა)), საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება, დამზადება, გადაზიდვა, გადაგზავნა ან გასაღებას გულისხმობს.