მაგდა პაპიძის საქმეზე, თბილისის სააპელაციო სასამართლომ დაცვის მხარის საჩივარი დაუშვებლად სცნო.

6 ივლისს თბილისის საქალაქო სასამართლოში გაიმართა სასჯელის დანიშვნის სხდომა და მოსამართლემ მაგდა პაპიძეს სასჯელის სახედ და ზომად განუსაზღვრა უვადო თავისუფლების აღკვეთა.

განაჩენი დაცვის მხარემ გაასაჩივრა სააპელაციო სასამართლოში, სადაც ითხოვდა ნაფიც მსაჯულთა მიერ მიღებული გამამტყუნებელი ვერდიქტის გაუქმებას, საქმის დაბრუნებას ხელახალი განხილვისათვის და დანიშნული სასჯელის გაუქმებას.

ბრალდების ვერსიით, 2015 წლის 19 დეკემბერს, ღამის საათებში, თბილისში, ფერაძის ქუჩა N6-ში მდებარე საცხოვრებელი სახლში მაგდა პაპიძემ თავის არეში უროს რამდენიმე ჩარტყმით განზრახ მოკლა მეუღლე ომარ ქაფიაშვილი და გაგუდა არასრულწლოვანი შვილი.