შინაგან საქმეთა სამინისტროს განცხადებით, კახეთში, საგარეჯოს მუნიციპალიტეტის სოფელ უდაბნოსა და ყვარლის მუნიციპალიტეტის სოფელ სანავარდოს მიმდებარე ტერიტორიებზე 2 უპილოტო საფრენი აპარატი ჩამოვარდა. უწყების ცნობით, საფრენი აპარატების ჩამოვარდნის შესახებ შეტყობინება დღეს, 7 ოქტომბერს, დაახლოებით, 18:35-სა და 18:45 წუთებზე შემოვიდა.

შსს-ში განმარტავენ, რომ მომხდარზე საგამოძიებო ღონისძიებები მაშინვე დაიწყო. შედეგად არავინ დაშავებულა. მათივე ცნობით, შემთხვევის ორივე ადგილას სამართალდამცველები არიან მობილიზებულნი და ექსპერტ-კრიმინალისტები შესაბამის ღონისძიებებს ატარებენ.