ევროპული საქართველოს ზუგდიდის მაჟორიტარი დეპუტატობის კანდიდატი, გიგი უგულავა, სოსო გოგაშვილის ქართული ოცნებიდან წამოსვლას ეხმაურება.

უგულავას თქმით, სოსო გოგაშვილი ქართული ოცნების ერთ-ერთი ყველაზე ბინძური წარმომადგენელი იყო და ხალხს, რომელსაც ლუკმა-პურის პრობლემა აწუხებს, არ აინტერესებთ ივანიშვილის მარიონეტული თამაშები.

"სოსო გოგაშვილი ამ ხელისუფლების და ბიძინა ივანიშვილის ერთ-ერთი ყველაზე ბინძური წარმომადგენელი იყო. ეხლა რომელიმე თავის ბინძურ ტიპს მოიშორებს, გვერდით გაწევს თუ ახლოს მოწევს, ეს არის ივანიშვილის მარიონეტული თამაშები, რომელსაც არსებითად ხალხთან არანაირი საქმე არ აქვს. ამ თამაშებს რომ გადაყვა ხელისუფლება, იმიტომ გაღარიბდა, იმიტომ გვაქვს ეკონომიკა კოლაფსში, იმიტომ ვართ ჭაობში და ვაქნევთ ხელს და გვგონია, რომ წინ წავალთ. თუმცა, უნდა გვესმოდეს, რომ ჭაობში ხელების ქნევა ნიშნავს ჩაძირვას, ხალხს ლუკმა-პურის პრობლემები აწუხებს და გოგაშვილი სულ ფეხებზე ჰკიდია ნებისმიერ ჩვენ მოქალაქეს", — განაცხადა გიგი უგულავამ.