ამერიკულ-ქართული განათლების ცენტრის ორგანიზებით და ესპანურ IE University-სა და რუმინულ Babeş-Bolyai University-სთან თანამშრომლობით 2020 წლის 10 ოქტომბერს, 12:00-დან 18:00 საათამდე გაიმართება განათლების საერთაშორისო ვირტუალური გამოფენა, რომელიც უმასპინძლებს 22 უნივერსიტეტს 13 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად დაუკავშირდნენ უნივერსიტეტის წარმომადგენლებს და დაუსვან მათთვის საინტერესო კითხვები.

განათლების ვირტუალური გამოფენაში მონაწილეობის მისაღებად საჭიროა გაიაროთ რეგისტრაცია შემდეგ ბმულზე: leafonlinefair.com

The University of North Carolina at Greensboro (UNCG) არის საჯარო კვლევითი უნივერსიტეტი აშშ-ში, ქალაქ გრინსბოროში, ჩრდილოეთ კაროლინის შტატში. ის არის ჩრდილოეთ კაროლინის უნივერსიტეტის (UNC) სისტემის ნაწილი და როგორც ქსელის სხვა წევრები არის დამოუკიდებელი უნივერსიტეტი საკუთარი სადიპლომო პროგრამებით.

უნივერსიტეტი US World & News Report-ის მიერ სახელდება ნომერ პირველ უნივერსიტეტად სოციალურ მობილობაში. UNCG ამავე რეიტინგში უკვე 29 წლის განმავლობაში სახელდება საუკეთესო კოლეჯებს შორის. Princeton Review-ს რეიტინგში უკვე 22 წლის განმავლობაში სახელდება საუკეთესო კოლეჯებს შორის. Money-ს 2020-2021 წლის რეიტინგში UNCG, ასევე, საუკეთესო კოლეჯებს შორისაა.

უნივერსიტეტი დაარსდა 1891 წელს, როგორც ქალების კოლეჯი. UNCG-მ მამაკაცების მიღება დაიწყო 1963 წლიდან.

გრინსბოროს ჩრდილოეთ კაროლინის უნივერსიტეტი შედგება რამდენიმე სკოლისა და კოლეჯისგან, რომლებშიც ისწავლება როგორც საბაკალავრო კურსები (ძირითადი სპეციალობებითა და მეორადი სპეციალობებით), ისე სამაგისტრო და სადოქტორო კურსები:

ხელოვნებისა და მეცნიერებების კოლეჯი — აერთიანებს ისეთ სპეციალობებს, როგორებიცაა არქეოლოგია, ბიოლოგია, კომპიუტერული მეცნიერებები, ფიზიკა და ასტრონომია, ისტორია, ფილოსოფია, პოლიტიკური მეცნიერებები და ა.შ.

ვიზუალური და საშემსრულებლო ხელოვნების კოლეჯი აერთიანებს სპეციალობებს ხელოვნების, ცეკვის, მუსიკისა და თეატრის დარგებში.

ჯოზეფ ემ ბრაიანის ბიზნესისა და ეკონომიკის სკოლა — ფინანსები და ფინანსური აღრიცხვა, ბიზნესის ადმინისტრირების სამაგისტრო პროგრამა (MBA), მარკეტინგი, მეწარმეობა და ა.შ.

განათლების სკოლა — მასწავლებელთა განათლება, საგანმანათლებლო კვლევები და მეთოდოლოგია, საგანმანათლებლო განვითარება და ა.შ.

ჯანდაცვის სკოლა — ინტეგრირებული პროფესიული სწავლება, კვება, მშვიდობისა და კონფლიქტების შესწავლა და სხვა.

ნანომეცნიერებებისა და ნანოინჟინერიის სკოლა — სამაგისტრო და სადოქტორო პროგრამები ნანომეცნიერებაში.

საექთნო სკოლა — ექთნების მომზადების სხვადასხვა პროგრამა ბაკალავრიატიდან დოქტურანტურამდე.

ინტერდისციპლინარული კოლეჯი — ინფორმატიკა და ანალიზი, ჯანდაცვის მენეჯმენტი, გამოყენებითი მეცნიერებები.

თქვენ გაქვთ შესაძლებლობა პირადად შეხვდეთ გრინსბოროს სამხრეთ კაროლინის უნივერსიტეტის წარმომადგენელს განათლების საერთაშორისო ვირტუალურ გამოფენაზე 10 ოქტომბერს, 12 საათიდან 18 საათამდე. შემოგვიერთდით: leafonlinefair.com