პოლიციამ დააკავა 4 პირი, რომელიც 30 სექტემბერს ქართული ოცნების მარნეულის საკრებულოს თავმჯდომარის მრჩეველს, ირაკლი შუბითიძეს თბილის-მარნეულის გზაზე დახვდა და სცემა.

შინაგან საქმეთა სამინისტროს ცნობით, ოთხივე პირი ჯანმრთელობის განზრახ მძიმე დაზიანების ბრალდებით დააკავეს. მათივე ინფორმაციით, მათ ირაკლი შუბითიძის ავტომობილს განზრახ დააჯახეს თავიანთი ოპელის მარკის ავტომობილი, გააჩერეს, შემდეგ კი ფიზიკური შეურაცხყოფა მიაყენეს და მიიმალნენ.

შსს ინფორმაციით, საქმეზე გამოძიება საქართველოს სისხლის სამართლის კოდექსის 117-ე მუხლის მე-5 ნაწილის "ე" ქვეპუნქტით მიმდინარეობს, რაც ჯგუფურად ჩადენილ ჯანმრთელობის განზრახ მძიმე დაზიანებას გულისხმობს.

ამავე თემაზე: