სამართლიანი არჩევნებისა და დემოკრატიის საერთაშორისო საზოგადოების მიერ გამოქვეყნებული ანგარიშის მიხედვით, ოპოზიციის წინააღმდეგ მიმართული ორგანიზებული ფეისბუქგვერდები წინა ხელისუფლებაში მყოფი ყველა პოლიტიკოსის ისევ ნაციონალური მოძრაობის წარმომადგენლად წარმოჩენას ცდილობენ.

ანგარიშის მიხედვით, აღნიშნული კამპანიის მიზანი ოპოზიციური პარტიებიდან მხოლოდ პატრიოტთა ალიანსი არ გამხდარა.

ISFED-ის ინფორმაციით, აღნიშნული ფეისბუქგვერდების ერთ-ერთ ტაქტიკას დისკრედიტაციის ინსტრუმენტად სატელევიზიო არქივის ვიდეოების გამოყენება წარმოადგენს.

საარქივო ვიდეომასალების მანიპულაციურად გავრცელება საზოგადოების აზრის ორი მიმართულების ჩამოყალიბებას ემსახურება, რომელთაგან ერთ-ერთი ზემოთაღნიშნულია (ხელისუფლებაში მყოფი ყველა პოლიტიკოსის ისევ ენმ-ს წარმომადგენლად წარმოჩენა), მეორე კი წინა ხელისუფლების დროს ოპოზიციაში მყოფი იმ პოლიტიკური ლიდერების, რომლებიც რაიმე ფორმით თანამშრომლობენ ნაციონალურ მოძრაობასთან, "ორპირ", "უპრინციპო" და "პირად კეთილდღეობაზე ორიენტირებულ" პოლიტიკოსებად წარმოჩენაა.

ISFED-ის ცნობით, მანიპულაციური ვიდეომასალები, სადაც კონტექსტიდან ამოგლეჯილი განცხადებების კონტრასტია ნაჩვენები, სწორედ ამ მიზნით ქვეყნდება.

ფოტო: ISFED