დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის მონაცემების თანახმად, კორონავირუსზე PCR ტესტირებით დიაგნოსტირების დღეს პაციენტების 36,2% იყო ასიმპტომური, თუმცა, როგორც აღნიშნავენ, დაავადების მიმდინარეობასთან ერთად, შესაძლოა მოგვიანებით გამოვლენილიყო გარკვეული სიმპტომები. ამის შესახებ COVID-19-თან დაკავშირებულ რიგით მეოთხე ანგარიშშია საუბარი.

ანგარიშის თანახმად, ყველაზე ხშირად პაციენტებში ვლინდება ცხელება, ზოგადი სისუსტე, ხველა, ყელის სიმშრალე/ტკივილი და თავის ტკივილი. ასიმპტომურ ინფიცირებულთაგან 15,6% იყო საერთაშორისო გადაზიდვების მძღოლი, რომელთა ინფიცირების გამოვლენა მოხდა საზღვარზე, სავალდებულო ტესტირების დროს.

ფოტო: NCDC

PCR ტესტირებით დადასტურებული COVID-19-ის შემთხვევათა შორის 51 პროცენტი იყო კაცი და 49 პროცენტი — ქალი. პაციენტების მაქსიმალური ასაკი იყო 95 წელი, ხოლო მინიმალური — 1 თვე. 0-დან 18 წლამდე ასაკობრივი ჯგუფი ინფიცირებულთა შორის 13,4 პროცენტს შეადგენდა.

ფოტო: NCDC

NCDC-ში აღნიშნავენ, რომ სიმპტომების ინტენსივობის შესახებ ინფორმაციის მოგროვება ზოგ შემთხვევაში პრობლემური აღმოჩნდა, რაც გამოწვეული იყო რიგი სუბიექტური და ობიექტური ფაქტორებით, კერძოდ, ენობრივი ბარიერი, გახსენების მიკერძოება, სიმპტომების აღქმის განსხვავებული მიდგომა, სტიგმატიზაცია. მათივე თქმით, აღნიშნული შემთხვევები კონცეტრირებული იყო ქვემო ქართლის რეგიონში და შეადგენდა ამ რეგიონში გამოვლენილი შემთხვევების 57 პროცენტს.

დღეს, ხუთ სექტემბერს ქვეყანაში კორონავირუსის 578 ახალი შემთხვევა გამოვლინდა, 375 ადამიანი გამოჯანმრთელდა. სულ კორონავირუსის 8 696 შემთხვევაა დადასტურებული. აქედან 4 619 ადამიანი უკვე გამოჯანმრთელდა, გარდაიცვალა — 54.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: