საქართველოს მესამე პრეზიდენტის მიხეილ სააკაშვილის თქმით, იმდენი საპატიო დოქტორობა აქვს, რომ არ ახსოვდა ერევნის უნივერსიტეტის საპატიო დოქტორობაც თუ ჰქონდა. ამის შესახებ მან მთავარის ეთერში ისაუბრა.

"იმდენი საპატიო დოქტორობა მაქვს, ნამდვილად არ მახსოვდა, თუ ერევნის რომელიღაც უნივერსიტეტის საპატიო დოქტორობაც მქონდა. ღმერთმა ხელი მოუმართოს, მაგრამ ამით ჩინები მე ნამდვილად არ მომაკლდება", — განაცხადა სააკაშვილმა.

სომხეთის განათლების მინისტრმა, მიხეილ სააკაშვილისთვის, ერევნის სახელმწიფო უნივერსიტეტის საპატიო დოქტორის წოდების ჩამორთმევა მოითხოვა. მინისტრმა ეს გადაწყვეტილება მას შემდეგ მიიღო რაც, მიხეილ სააკაშვილმა, საკუთარ Facebook გვერდზე დაწერა, რომ მთიანი ყარაბაღი აზერბაიჯანის რესპუბლიკის სუვერენულ ტერიტორიას წარმოადგენს.