თითქმის 30 წელი გავიდა მას შემდეგ, რაც სამყარომ პირველად იხილა ძალიან სასაცილო და ამავდროულად ემოციური საახალწლო ფილმი - მარტო სახლში. მაკკალისტერების დიდი ოჯახი საშობაოდ საზღვარგარეთ მიემგზავრება. გამგზავრების წინ არეულობაში მშობლებს ოჯახის ყველაზე პატარა წევრი კევინი ავიწყდებათ. შინ მარტო დარჩენილ ბიჭუნას კი ორ ზრდასრულ მძარცველთან გამკლავება უწევს.

26 წლის წინ გადაღებული საახალწლო კომედია ყოველ ყურებაზე თავიდან გაგაღიმებთ, ბავშვობის მოგონებებს გაგახსენებთ და ახალ წელთან დაკავშირებულ სასიამოვნო შეგრძნებებს გაგიცოცხლებთ.

ბავშვობაში როდესაც ამ ფილმს ვუყურებთ, კევინს ვგულშემატკივრობდით და მისი ოინებით ვერთობოდით. წლების შემდეგ კი შეუძლებელია ეს კითხვა არ გაგვიჩნდეს: რა ხარჯებთან შეიძლება იყოს დაკავშირებული მთელი ოჯახით დასვენება საახალწლო დღეებში?

ფოტო: 20th Century Fox

ფილმი მარტო სახლში (პირველი ნაწილი) 1990 წელს გამოვიდა. მოდით, გავიგოთ, რამდენად მდიდარი შეიძლება ყოფილიყო კევინის მამა.

მარტო სახლში, 1990

15 პირველი კლასის ბილეთი

ფოტო: 20th Century Fox

15 ბილეთი ჩიკაგოდან პარიზის მიმართულებით $35 320 დაჯდებოდა, თუმცა დღევანდელი კურსის გათვალისწინებით, ეს ფასი ნამდვილად გაორმაგდებოდა.

10 პიცა

ფოტო: 20th Century Fox

ფილმშივე ჩანს, რომ პიცის დამტარებელი $122,50-ს ითხოვს, თუმცა დღევანდელი კურსით 10 პიცის გამოძახება კევინის მამას $228 დაუჯდებოდა.

კიბის შეცვლა სარდაფში

კევინის მამას განადგურებული კიბის გამოცვლაც მოუწევდა, რაც სავარაუდოდ $1 200 დაჯდებოდა.

მარტო სახლში 2, 1992

14 პირველი კლასის ბილეთი

American Airlines-ს პირველი კლასის ბილეთების შეძენა ჩიკაგოდან მაიამის მიმართულებით $9 927 ღირს.

ერთი ღამე სასტუმროში

ფოტო: 20th Century Fox

მარტო დარჩენილი კევინი Plaza Hotel-ში დაბინავდა, სადაც ერთი ღამის გატარება საპრეზიდენტო ნომერში $30 000 ჯდება, რომელსაც პერსონალის საფასური ემატება, ღამეში - $2 915.

სათამაშოები

გახსოვთ ულამაზესი Duncan's Toy-ს მაღაზია, სადაც კევინმა $23,75 ღირებული საჩუქარი იყიდა? ეს დღევანდელი კურსით დაახლოებით $40,86 გამოდის.

Plaza Hotel-ის საერთო ხარჯები

სასტუმროში დაბინავებული კევინი სასუსნავებსაც მიირთმევდა, რაშიც როგორც ფილმიდან ვიგებთ $967.43 დახარჯა, თუმცა ეს დღევანდელი კურსით $1,659.33 გამოდის.

როგორც ხედავთ, კევინის ოჯახი საკმაოდ მდიდარი იყო. სხვანაირად, ამხელა ოჯახი პირველი კლასის თვითმფრინავით ვერ იმგზავრებდა ჩიკაგო-პარიზისა თუ ჩიკაგო-მაიამის მიმართულებით. რომ არაფერი ვთქვათ უზარმაზარ სახლსა და მასშტაბურ საახალწლო დეკორაციებზე.