დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ინფორმაციით, საქართველოში 30 სექტემბრის მონაცემებით, კორონავირუსის 6 192 შემთხვევაა დადასტურებული. აქედან 87%, ანუ 5 387 შემთხვევა მსუბუქი ან საშუალო სიმძიმის იყო; 11%-ის, ანუ 681 პაციენტის მდგომარეობა იყო მძიმე, ხოლო 2%-ის, ანუ 124 ადამიანის მდგომარეობა — კრიტიკული.

ფოტო: Logo

ამ დრომდე დადასტურებულ შემთხვევებს შორის 3 009 არის აქტიური, 3 120 — გამოჯანმრთელებული, ხოლო ჩატარებული ტესტირების რაოდენობა 639 816-ია.

დღეს საქართველოში კორონავირუსის 326 ახალი შემთხვევა გამოვლინდა, 796 კი გამოჯანმრთელდა. ინფორმაცია StopCov-ზე განახლდა.

ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, დღეს დადასტურებულ შემთხვევათა შორის ყველაზე მეტი აჭარაში — 235 ახალი შემთხვევა გამოვლინდა, მეორე ადგილზეა იმერეთი, სადაც 38 ინფიცირებულია, თბილისში 30 ახალი ინფიცირებულია, სამეგრელო-ზემო სვანეთში — 14, გურიაში კი 6, კახეთში 1, მცხეთა-მთიანეთში 1 და სამცხე-ჯავახეთშიც 1 ახალი ინფიცირებულია გამოვლენილი.

5 413 ადამიანი იმყოფება კარანტინში, ხოლო 836 — სტაციონარში მეთვალყურეობის ქვეშ. ამასთან, 869 პირი კოვიდსასტუმროშია მოთავსებული.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: